Arritjet ndërkombëtare nga Instituti ATOMI
Në vitin 2022 Instituti ATOMI është certifikuar nga Këshilli Botëror për fëmijë me dhunti e talente (World Council for Gifted and Talented Children – WCGTC) si organizatë anëtare (Affiliate of the WCGTC) për Kosovë. Si rezultat i kësaj, ATOMI tashmë është bërë anëtare e Këshillit Botëror për fëmijë me dhunti e talente së bashku me dhjetëra organizata e federata organizatash të vendeve të ndryshme nga mbarë bota. Për më shumë rreth WCGTC vizitoni: https://world-gifted.org/.
Në vitin 2016 Instituti ATOMI është certifikuar nga Këshilli Evropian për Aftësi të Lartë (European Council for High Ability – ECHA) si Pikë Evropiane për Talentet (European Talent Point – ETP) në Kosovë. Si rezultat i kësaj, Instituti ATOMI tashmë është bërë anëtare e Rrjetit Evropian për Përkrahjen e Talenteve (European Talent Support Network – ETSN) së bashku me shumë organizata të tjera të vendeve të ndryshme evropiane. Për dijeni, vet ECHA është OJQ evropiane, e cila mbanë statusin e organizatës konsultuese në kuadër të Këshillit të Evropës. Për më shumë rreth ECHA vizitoni: www.echa.info.
Gjithashtu, Instituti ATOMI dhe Kosova është bërë anëtare me të drejta të plota e “Asociacionit Kangourou sans Frontières (AKSF)” në vitin 2021, ndërsa që nga viti 2016 Instituti ATOMI dhe Kosova është bërë anëtare e “Asociacionit Kangourou sans Frontières (AKSF)” dhe duke filluar nga viti 2017 Instituti ATOMI është autorizuar nga AKSF për organizimin e garës më të popullarizuar në botë për fushën e matematikës “Kangaroo” në Kosovë. Gara ndërkombëtare e matematikës “Kangaroo” organizohet çdo vit në të njëjtën ditë në mbarë botën dhe në të marrin pjesë për çdo vit rreth 6 milionë nxënës të arsimit parauniversitar nga mbi 70 shtete të ndryshme të botës. Për më shumë rreth Kangaroo dhe AKSF vizitoni: www.aksf.org.
Që nga viti 2014 organizata Mensa, e cila është organizata më e madhe ndërkombëtare (me shtrirje në më shumë se 100 vende të botës) që merret me personat me inteligjencë të jashtëzakonshme në botë ka konfirmuar se i njeh dhe i certifikon praktikat, instrumentet dhe rezultatet e Institutit ATOMI. Prandaj, çdo atomist që përzgjidhet nga Instituti ATOMI mund të anëtarësohet si anëtar në Mensa vetëm me referencë nga Instituti ATOMI, pa iu nënshtruar testimeve të Mensës. Për më shumë rreth Mensa vizitoni: www.mensa.org.
Kjo njohje dhe ky reputacion i mirë evropian e ndërkombëtar për Instituti ATOMI vjen si rezultat i zbatimit të standardeve, kritereve dhe praktikave më të mira shkencore, profesionale e etike, evropiane e ndërkombëtare, që Instituti ATOMI bën gjatë punës së vet. Të gjitha këto i kanë siguruar Institutit ATOMI kredibilitet dhe reputacion shumë të mirë edhe brenda vendit, në Kosovë.
Sukseset ndërkombëtare të atomistëve
Përveç Institutit ATOMI si organizatë, edhe atomistët nga Kosova kanë arritur rezultate të jashtëzakonshme në nivel ndërkombëtar. Disa nga këto janë:
Jon Musliu
Atomist
Atomisti Jon Musliu pranohet në Akademinë e Forcave Ajrore të SHBA-së - US Air Force Academy. Air Force Academy është e njohur për programet e saj rigoroze akademike dhe ka një mision unik pasi ofron një edukim të specializuar për oficerët e ardhshëm të Forcave Ajrore. Kjo akademi është një nga institucionet më prestigjioze dhe më të njohura të këtij lloji në botë.
Laura Dragusha
Atomiste
Atomistja Laura Dragusha është pranuar për të studiuar neuroshkencë me bursë të plotë në njërin ndër top universitetet më të mira të botës, në Yale University në SHBA.
Vesa Ibrahimi
Atomiste
Atomistja Vesa Ibrahimi pranohet në Akademinë Ushtarake –Ëest Point të Shteteve të Bashkuara të Amerikës. Akademia Ushtarake – West Point njihet për një program rigoroz të studimeve dhe trajnimit fizik, ku ndër vite kanë diplomuar astronautë, fitues të medaljeve olimpike, e fitues të Medaljes së Nderit të Shteteve të Bashkuara që është dekorata më prestigjioze e më e lartë ushtarake.
Jon Syla
Atomist
Atomisti Jon Syla është pranuar për të studiuar fizikë dhe neuroshkencë në njërin ndër top universitetet më të mira të botës, në Harvard University në SHBA.
Era Syla
Atomiste
Atomistja Era Syla ka fituar Medalje të Argjendtë në Olimpiadën Evropiane të Matematikës për Vajza (EGMO) 2021. Era tani është duke studiuar matematikë në Massachusetts Institute of Technology (MIT) në SHBA me bursë të plotë.
Leart Ajvazaj
Atomist
Atomisti Leart Ajvazaj është pranuar për të studiuar matematikë në njërin ndër top universitetet më të mira të botës, në Yale University në SHBA.
Shend Zhjeqi
Atomist
Atomisti Shend Zhjeqi ka fituar Medalje të Bronztë në Olimpiadën Ndërkombëtare të Matematikës (ONM), që është mbajtur në Rio de Zhaneiro të Brazilit në vitin 2017. Shendi tani është duke studiuar matematikë në University of California Los Angeles (UCLA) në SHBA.
Doruntina Sylejmani
Atomiste
Atomistja Doruntina Sylejmani gjithashtu ka fituar Medalje të Bronztë në ONM 2016, të mbajtur në Hong Kong të Kinës dhe fal kësaj arritje, si dhe me ndihmën e Institutit ATOMI ajo është duke studiuar Matematikë në Universitetin Princeton me bursë të plotë.
Alba Bicurri
Atomiste
Ka fituar “Çmimin e Ekselencës për Shkencëtarët dhe Teknologët e Ardhshëm të Akademisë Kombëtare” në SHBA, ku ishte nominuar nga vet z. Buzz Aldrin, drejtor shkencor i kësaj akademie (njëri nga astronautët e parë që ka zbritur në hënë).
Margjelë Shala
Atomiste
Ka fituar “Çmimin e Presidentit për Edukim” në SHBA, i cili ndahet nga vet Presidenti i SHBA-ve dhe gjithashtu e ka fituar edhe “Çmimin e Ekselencës për Fizikanët dhe Shkencëtarët Mjekësorë të Ardhshëm të Akademisë Kombëtare” në SHBA.