REZULTATET E FAZËS SË TRETË TË TESTIMIT NË KUADËR TË PROJEKTIT ATOMI - PËRZGJEDHJA E ATOMISTËVE


REZULTATET E FAZËS SË TRETË TË TESTIMIT – PËRZGJEDHJA E ATOMISTËVE


Testi i tretë është test që administrohet në mënyrë individuale dhe përdoren nga Instituti ATOMI me qëllim të përzgjedhjes finale të kandidatëve, prandaj është test vendimtar për përzgjedhjen e finalistëve, përkatësisht për përzgjedhjen e atomistëve.

Andaj, ashtu siç janë informuar të gjithë kandidatët me rastin e hyrjes në testin e tretë, vetëm kandidatët që kanë arritur 140 pikë e më shumë në testin e tretë përzgjidhen si atomistë nga Instituti ATOMI. Rrjedhimisht, të gjithë kandidatët që kanë arritur më pak se 140 pikë në testin e tretë nuk përzgjidhen si atomistë nga Instituti ATOMI.

Për të parë rezultatet e fazës së tretë të testimit, përkatësisht kandidatët që përzgjidhen dhe kandidatët që nuk përzgjidhen atomistë, shih (shkarko) tabelat në vazhdim:

- Kandidatët që nuk përzgjidhen atomistë (shkarko këtu)


- Kandidatët që përzgjidhen atomistë (shkarko këtu)



SQARIME SHTESË

I lusim të gjithë atomistët e sapo-përzgjedhur që sa më parë të na dërgojnë një e-mail në [email protected] (duke shënuar në titull/subject emrin, mbiemrin dhe kodin e tyre), në mënyrë që t’u përcjellim disa informata në lidhje me takimin e përbashkët me ta dhe me prindërit e tyre, që do të organizohen shumë shpejt dhe në të cilin do të diskutojmë kampin veror që mbahet gjatë kësaj vere dhe në lidhje me aktivitetet tjera të përbashkëta.

I informojmë të gjithë kandidatët që në testin e tretë kanë arritur 130 pikë e më shumë (pavarësisht pse nuk janë përzgjedhur atomistë) që nëse janë të interesuar mund të bëhen anëtarë të Mensa International me referencë nga Instituti ATOMI (dëshmi të rezultatit të tyre në testin e tretë), pa iu nënshtruar testimeve të Mensës. Të interesuarit për këtë mund të lajmërohen për referencë te Instituti ATOMI pas datës 15 shtator 2019. Mensa është organizata më e madhe ndërkombëtare (me shtrirje në më shumë se 100 vende të botës) që merret me personat me inteligjencë superiore.

Nëse dikush ka nevojë për sqarime shtesë, atëherë na shkruani në e-mail ([email protected]) ose na kontaktoni në telefon (045 460 320) gjatë ditëve të punës (e hënë - e premte) gjatë orarit të punës prej orës 10:00-15:00. Normalisht, ata që dëshirojnë takim me ne, mund të na kontaktojnë në telefon dhe të caktojnë termin për të ardhur në zyrën tonë në Prishtinë.

Instituti ATOMI
Prishtinë, më
12 qershor 2019